എന്നെ അറിയാന്‍ ...: പശുവും ...കിടാവും.

2010, ഏപ്രിൽ 24, ശനിയാഴ്‌ച

പശുവും ...കിടാവും.

അലഞ്ഞു നടന്ന
കാലിക്കൂട്ടത്തിന്
മണ്ണ് ദാനം കൊടുത്ത
പ്രഭുക്കള്‍ ..
വെളുത്ത പശുക്കളെ
വിശുദ്ധരാക്കി ..
വിശുദ്ധര്‍ ദൈവങ്ങളായി .
ഉണ്ടുറങ്ങി..
പെറ്റു പെരുകി
വിഗ്രഹങ്ങളായി...

കടല്‍ കടെന്നെത്തിയ
വിശിഷ്ട ഭ്രൂണം
മുത്തച്ഛന്റെ ഊരത്തഴമ്പ്
തലവരയാക്കി ...
അഭിഷക്തനായി.
വായ്മൊഴികള്‍
വരമൊഴികളായി...
നാവടക്കൂ ..പണിയെടുക്കൂ

ചിലപ്പോഴെങ്കിലും
വയറൊട്ടി ...
ഏന്തിവലിഞ്ഞു ..
കാലികളിപ്പോഴും...
കരിഞ്ഞുണങ്ങിയ
മേച്ചില്‍ പുറങ്ങളില്‍ .
കച്ചിത്തുരുമ്പിനായ്
വാ തുറക്കാറുണ്ട്....

ഗോപിവെട്ടിക്കാട്

3 അഭിപ്രായങ്ങൾ:

മാണിക്യം2010, ഏപ്രിൽ 26 8:15 PM
"ചിലപ്പോഴെങ്കിലും വയറൊട്ടി ...
ഏന്തിവലിഞ്ഞു ..കാലികളിപ്പോഴും...
കരിഞ്ഞുണങ്ങിയ മേച്ചില്‍ പുറങ്ങളില്‍ .
കച്ചിത്തുരുമ്പിനായ് വാ തുറക്കാറുണ്ട്...."

ദയനീയമാണല്ലെ ആ ചിത്രം
ഇഷ്ടമായീ ലളിതമായി പറഞ്ഞ ഈ വലിയ കാര്യം!
മറുപടിഇല്ലാതാക്കൂ
മറുപടികൾ
അജ്ഞാതന്‍2010, മേയ് 10 11:48 PM
നല്ല വരികൾ 2 കാലങ്ങൾ വരച്ചു കാട്ടിയതായി തോന്നി എനിക്ക്.. നല്ല വരികൾ.. ആശംസകൾ
മറുപടിഇല്ലാതാക്കൂ
മറുപടികൾ
Sapna Anu B.George2010, മേയ് 17 7:59 PM
മണ്ണ് ദാനം കൊടുത്ത
പ്രഭുക്കള്‍ ..
വെളുത്ത പശുക്കളെ
വിശുദ്ധരാക്കി ..
വിശുദ്ധര്‍ ദൈവങ്ങളായി ............സുന്ദരമായ അര്‍ത്ഥഗര്‍ഭമായ വരികള്‍ ,കാണാനും,പരിചെയപ്പെടാനും വായിക്കാനും കഴിഞ്ഞതില്‍ സന്തോഷം.
മറുപടിഇല്ലാതാക്കൂ
മറുപടികൾ

അഭിപ്രായം ചേര്‍ക്കുക

"ശ്രുതിലയം" മലയാളത്തിലെ ഏറ്റവും സജീവമായ ഓര്‍ക്കുട്ട് സാഹിത്യ കൂട്ടായ്മ

ഇവിടെ എഴുത്ത് സൌഹൃദവും സ്നേഹവും , പ്രതിഷേധവും,ആയുധവുമാക്കാന്‍ ഒരു കൂട്ടമാളുകള്‍ സജ്ജരാവുകയാണ്. മുഖ്യധാരാ എഴുത്തുകാര്‍ക്കൊപ്പം നില്‍ക്കുന്ന ചിലരെങ്കിലും ഇവിടെയുണ്ടെന്ന് ഞങ്ങള്‍ അഭിമാനത്തോടെ നെഞ്ചില്‍ കൈവെച്ച് പറയുന്നു. ജീവിതത്തിന്റെ പച്ചപ്പ്‌ മണക്കുന്ന, അക്ഷരങ്ങളെ നെഞ്ചേറ്റുന്ന ഒരു കൂട്ടമാളുകളുടെ സ്വപ്നങ്ങളാല്‍ മുഖരിതമാണിവിടം. ഈ അക്ഷര കൂട്ടായ്മയിലേക്ക് ' ശ്രുതിലയത്തിലേക്ക് ' സ്വാഗതം.. അനേകമനേകം വ്യത്യസ്തതയാര്‍ന്ന ശബ്ദങ്ങള്‍ .. മാനുഷിക മൂല്യങ്ങളില്‍, സ്നേഹത്തില്‍, സൌഹൃദത്തില്‍ ഒന്നായിത്തീരുന്ന ലയം..! അനേകം ശ്രുതികളുടെ ഈ ലയത്തിലെക്ക്.. സ്നേഹാക്ഷരക്കൂട്ടായ്മയിലേക്ക് സ്വാഗതം

'ശ്രുതിലയം ബ്ലോഗ്‌'

ശ്രുതിലയം ബ്ലോഗിങ്ങിലേയ്ക്ക് കടക്കുന്നു. ഓര്‍ക്കുട്ട് ലഭിയ്ക്കാത്ത നാടുകളിലെ എഴുത്തുകാര്‍ക്ക് അവരുടെ സൃഷ്ടികള്‍ പോസ്റ്റ്‌ ചെയ്യുന്നതിനും ശ്രുതിലയത്തിലെ തെരഞ്ഞെടുക്കുന്ന സൃഷ്ടികളെ ബ്ലോഗ്‌ വായനക്കാരില്‍ എത്തിയ്ക്കുന്നതിനുമാണ് 'ശ്രുതിലയം ബ്ലോഗ്‌' .ശ്രുതിലയം അംഗങ്ങളും ബ്ലോഗ്‌ വായനക്കാരും ഒത്തുചേരുന്ന ഈ വേദിയില്‍ എല്ലാ സൃഷ്ടികളും വായിച്ചുവിലയേറിയ അഭിപ്രായം അറിയിയ്ക്കുക. ബ്ലോഗിന് പുറമേ ഉടനെ തന്നെ 'ശ്രുതിലയംഓണ്‍ലൈന്‍ മാഗസിന്‍' ആരംഭിയ്ക്കുന്നതാണ് . എല്ലാവരുടെയും സഹകരണം അഭ്യര്‍ഥിയ്ക്കുന്നു.