എനിക്കീ പ്രണയം മതി..

നിന്‍റെ കവിതകളെല്ലാം ..
പ്രണയത്തില്‍ ചുറ്റിക്കറങ്ങുന്നതെന്ത്.?
ചക്കിനു കെട്ടിയ കാളയെപ്പോലെ ..

അതോ..അത്..
കവിതയ്ക്ക് പറ്റിയ വിഷയം
പ്രണയമാണല്ലോ ..
വിരഹം..കണ്ണുനീര്‍..വഞ്ചന..
അങ്ങിനെ എന്തെല്ലാം സാധ്യതകള്‍..
മെഗാ സീരിയല്‍ പോലെ നീട്ടി വലിക്കാം..
കവിതയ്ക്ക് വേറെ എന്ത് വിഷയം..

വേറെ ഒന്നുമില്ലേ ??
ബുഷ് പോയി ഒബാമ വന്നത്..
പലസ്തിനില്‍ ഇസ്രീയേല്‍ നായാട്ട്..
ബോംബെയില്‍ തീവ്രവാദി ...
പാക്കിസ്താനില്‍ ബോംബ്..
സച്ചിന്‍റെ റേറ്റിംഗ്..
പിണറായി,അച്യുതാനന്ദന്‍ ..
അഭയ ...വികാരി..

അങ്ങിനെ എന്തെല്ലാം വിഷയങ്ങള്‍
ഒന്ന് എഴുതി നോക്ക് ..
ഓ ..അതെല്ലാം ആണുങ്ങള്‍ എഴുതട്ടെ..
എനിക്കീ പ്രണയം മതി.

ഗോപി വെട്ടിക്കാട്ട്

കൊഞ്ഞനം കുത്തുക തന്നെ...

ചോദ്യങ്ങള്‍ ചോദിച്ചു കൊണ്ടേയിരുന്നപ്പോള്‍..
ഉത്തരങ്ങളെ ഗൌനിച്ചതേയില്ല..
ജനക്കൂട്ടം ആരവം മുഴക്കി..കയ്യടിച്ചു..
അശ്വമേഥത്തിനൊടുവില്‍..
സിംഹാസനങ്ങള്‍ കാല്‍ച്ചുവട്ടില്‍..
ആരോടും എന്തും ചോദിക്കാം..

ചോദ്യങ്ങള്‍ ആവര്‍ത്തനമാകുകയും..
ഉത്തരമില്ലാത്തവര്‍ ചോദിക്കുകയും..
ഉത്തരം മുട്ടുകയും ചൈയ്തപ്പോള്‍..
പിടിച്ചു നില്‍ക്കാന്‍..
തകരപ്പെട്ടിയില്‍ അടക്കിയഅക്ഷരങ്ങളെ.. ..
മാന്തിയെടുത്തപ്പോഴാണ്..
അവയെല്ലാം ചിതലരിച്ചിരുന്നു..

തലമുറ കൈമാറിയ മൂലധനം ...
ആചാര്യന്റെചിന്തകള്‍..
ഗീത..ഖുറാന്‍..ബൈബിള്‍...
ഉത്തരങ്ങള്‍..ചിതലരിച്ച്‌..ജീര്‍നിച്ച് ..

ഇനിയിപ്പോള്‍..കൊഞ്ഞനം കുത്തുക തന്നെ...

ഗോപി വെട്ടിക്കാട്ട്..